FC 2 Korriku njofton opinionin sportdashës së ka nënshkruar kontratë me futbollistin nga Brazili, Pedro Henrique Guedes Dos Santos.

Pedro Henrique është 25-vjeçar, i lindur më 20.07.1999 në Brazil, atje ku është zhvilluar si futbollist dhe ku ka kaluar pjesën më të madhe të karrierës së tij. Futbollisti në fjalë aktivizohet si sulmues i krahut të majtë.

“Futbolli është i bukur sepse të bën të provosh gjëra të reja. Për mua, aventura me 2 Korrikun do të jetë e re në një vend të bukur si Kosova, që përpos se ka vende shumë të bukura, ka edhe njerëz shumë mikpritës. Shpresoj se do ta jap më të mirën për klubin e ri, dhe uroj që bashkë do ta kemi një edicion me shumë suksese”, shtoi Pedro Henrique në prononcim e parë për 2korriku.com.

Në këtë mënyrë, me ardhjen e anësorit brazilian, transferimet e 2 Korrikut shkojnë në katër sosh në afatin kalimtar veror.

“Futbollisti nga Brazili veçse e pasuron grupin, dhe ne jemi të lumtur ta kemi atë pjesë të klubit. I urojmë shumë fat dhe suksese në edicionin e ri”, foli shkurtimisht drejtori sportiv, Drilon Baholli, pas prezantimit të futbollistit nga shteti brazilian.