Pak orë para nisjes së takimit të parë kampional për edicionin 2024/25, Presidenti i FC 2 Korriku, z. Rexhep Baholli ju drejtohet futbollistëve dhe stafit të ekipit senior me një mesazh:

“Të nderuar futbollistë, trajnerë, pjesëtarë të stafit mjekësor e atij administrativ,

Po ju drejtohem me këtë mesazh për të ju uruar suksese dhe shëndet në edicionin e ri futbollistik në futbollin kosovar. Sot ju filloni një rrugëtim të ri, një rrugë të gjatë, të cilën shpresoj se do ta ndiqni me shumë emocione.

Punën e bërë tash e sa kohë, shpresoj se do ta shfaqni në fushën e futbollit, aty ku ju dini ta shfaqni më të mirën nga vetja, në mënyrë unike.

E fillofshi me këmbë të mbarë këtë kampionat, me paraqitje fantastike e mbi të gjitha me lojë të bukur.

Ju urojë shëndet e një edicion sa më të mbarë, me shpresën së fundi do të vie me rezultate që ju tashmë i keni qëllim në vete.

Na bëni krenarë siç ju dini, ne do të jemi prapa jush në çdo hap.

Me respekt, Rexhep Baholli”