Federata e Futbollit të Kosovës ka filluar që ta zbatojë një nga projektet më të rëndësishme për vajzat e reja që janë të interesuara në sportin e futbollin.
‘Talent Development Scheme’ quhet projekti i nisur të zbatohet ditë më parë në Kampin Nacional në Hajvali. Ky projekt ka për qëllim identifikimin dhe përgatitjen e vajzave talente të reja, të cilat janë kryesisht të lindura në vitet 2010, 2011 apo 2012.
Më 7 Shkurt janë mbajtur takimet e para me vajzat e viteve të lartpërmendura, dhe në to kanë marrë pjesë një numër i konsiderueshëm i vajzave nga FC 2 Korriku dhe ekipet tjera të vajzave në Kosovë, talenti i të cilave ka rënë në sy të stafit teknik përgjegjës për këtë organizim.
Kësisoj, pas seancave të para stërvitore të mbajtura me vajzat, nga stafi i trajnereve ka pasur edhe përzgjedhje të futbollisteve, të cilat do të vazhdojnë me vijimin e projektit. Nga FC 2 Korriku u zgjodhën këto vajza:
- nga vajzat e lindura në vitin 2010 janë përzgjedhur: Tuana Luta, Diona Drenovci;
- nga vajzat e lindura në vitin 2011 përzgjedhur: Erina Mehmeti, Eda Mulaj, Orgesa Abdullahu, Onida Ramaxhiku, Elta Gashi;
- nga vajzat e lindura në vitin 2012 janë përzgjedhur: Enea Maxhuni, Vesa Rashiti.
Në këtë mënyrë, FC 2 Korriku në ‘TDS Project’ do të përfaqësohet nga plot nëntë vajza, të cilat janë shprehur shumë të lumtura që po avansohen në sportin që e kanë pasion, futbollin.
Takimet e radhës për futbollistet e zgjedhura në kuadër të projektit ‘TDS’ do të jenë të mërkurën e ardhshme (14.02.2024), duke filluar nga ora 13:00 në Kampin Nacional në Hajvali.
