Pasditen e sotme janë bërë publikë emrat e zyrtarëve të deleguar për xhiron e tetëmbëdhjetë në të dyja grupet e Viva Fresh Ligës së Parë.
Një prej ndeshjeve më të rëndësishme të këtij raundi të grupit “B”, ajo ndërmjet Vushtrrisë dhe 2 Korrikut, i është besuar gjyqtarit me përvojë shumë të madhe në ndarjen e drejtësisë në futbollin kosovar, Tefik Malokut.
Përpos Malokut, treshen e gjyqtarëve do ta plotësojnë Bunjamin Raqi dhe Liridon Selmani që do të jenë në rolet e gjyqtarëve anësore.
Lista e zyrtarëve të ndeshjes ndërmjet “vushtrriasve” dhe “prishtinasve” kompletohet me delegatin Enver Duriqi dhe vëzhguesin e gjyqtarëve, Erduan Baliqin.
