AlbanianEnglish

,

Faleminderit, Visar Plakaj!

Football Club 2 Korriku njofton për largimin e trajnerit Visar Plakaj, i cili tash e tutje karrierën në sportin e futbollit do ta vazhdoj jashtë vendit, më saktësisht në shtetin e Gjermanisë.

Visari, i cili kaloi plot tetëmbëdhjetë muaj te Football Club 2 Korriku, po largohet me kokën lartë pas një pune të jashtëzakonshme të bërë me gjeneratat e reja të shkollës së klubit nga kryeqyteti.

Trajneri Plakaj, për aq sa qëndroi te 2 Korriku, arriti që pos punës së madhe të bërë, të fitoj edhe trofe siç është trofeu i kampionit të Kosovës me moshat U15, me gjeneratat 2006/07. Sukses tjetër i arritur nga trajneri ishte edhe fitimi i titullit kampion në Regjionin e Prishtinës në edicionin 2021/22, po me moshat U15, por kësaj radhe me gjeneratat 2007/08.

Visarin, pos si punëtor të madh, familja “verdheblu” do ta kujtoj edhe për sjelljet e tij të jashtëzakonshme, virtytet e larta e angazhimin e pashoq, ku tërë përvojat e tij i shfrytëzoi për të ngritur sa më shumë nivelin e futbollistëve të shkollës “verdheblu”.

Përpos fjalëve falënderuese, të gjithë nga Football Club 2 Korriku, Visarit i urojmë shëndet dhe shumë suksese në karrierën e tij, ashtu siç ai i meriton.

Përherë falënderues ndaj teje, Visar!

Publikime të ngjajshme

FC 2 KORRIKU

Historiku i Klubit

Klubi i Futbollit “‘2 Korriku” është themeluar në vitin 1957, me emrin e atëhershëm Klubi i Futbollit “Proleteri”. Në vitin 1990, klubi ndërroi nomenklaturën, duke marrë emër të ri, Klubi i Futbollit “2 Korriku”, emër të cilin e bartë edhe sot.

Skuadra e Femrave