AlbanianEnglish

,

Delegohen zyrtarët e ndeshjeve. Haxhimustafa, “bilbil kryesor” në ndeshjen 2 Korriku – Vushtrria.

Federata e Futbollit të Kosovës ka bërë me dije se janë deleguar zyrtarët për ndeshjet e xhiros së nëntë në Viva Fresh Ligën e Parë në futboll.

Nga delegimet e bëra, bie në sy se 2 Korriku – Vushtrria i është besuar Taulant Haxhimustafës, gjyqtarit të njëjtë që një përballje Vushtrria – 2 Korriku e kishte gjykuar edhe në edicionin e kaluar, më saktë atë të xhiros së tretë të Viva Fresh Ligës së Parë.

Pos ndeshjes së edicionit të kaluar, së fundmi, 2 Korriku Haxhimustafën e ka pasur për gjyqtar kryesor edhe në duelin e zhvilluar javë më parë kundër Ulpianës “Sami Kelmendi”, duel që po ashtu ishte zhvilluar në kuadër të rangut të dytë të garave në futbollin tonë.

Në duelin e nesërm, Haxhimustafa nuk do të jetë i vetëm, teksa do të ndihmohet nga Arsim Sadiku e Pashtrik Burrniku të cilët do të jenë në rolet e asistentëve.

Mes tjerash, është me rëndësi të përmendet se në duelin mes “kryeqytetasve” e “vushtrriasve”, vëzhgues i gjyqtarëve do të jetë Zymer Berisha, e delegat i ndeshjes Enver Duriqi.

Publikime të ngjajshme

FC 2 KORRIKU

Historiku i Klubit

Klubi i Futbollit “‘2 Korriku” është themeluar në vitin 1957, me emrin e atëhershëm Klubi i Futbollit “Proleteri”. Në vitin 1990, klubi ndërroi nomenklaturën, duke marrë emër të ri, Klubi i Futbollit “2 Korriku”, emër të cilin e bartë edhe sot.

Skuadra e Femrave