Kthimi nga pushimi i ndeshjeve të kombëtareve nuk doli të jetë më i miri i mundshëm për skuadrën e 2 Korrikut, që u mposhtë në derbin e kryeqendrës me rezultat bindës 0-3 nga Ramiz Sadiku.
Thënë të drejtën, rezultati sot dha epilog real, me skuadrën mysafire që ishte më e mirë gjatë thuajse tërë kohës dhe në fund arkëtoi pikët, e 2 Korrikut ia shkaktoi humbjen e dytë me radhë, po me të njëjtin rezultat, pas asaj në Vushtrri.
Verdh’ e blutë, ndonëse kohë pas kohe shfaqnin “shkëndija” përmirësimi, nuk arritën që në asnjë periudhë të lojës të tregohen dominues, e madje krejt çka vlen të përmendet është rasti i Maqedoncit në minutën 11’ të pjesës së parë, kur u shërbye bukur nga Kozmaqi, por dështoi në duelin një për një me portierin Isufi.
Në anën tjetër, Ramiz Sadiku sot bëri paraqitje mjaft të mirë; goli i parë për skuadrën mysafire erdhi në minutën 33’, kur pakujdesinë dhe mos-marrëveshjen e portierit me mbrojtjen vendëse, e shfrytëzoi numri 77 i “udhëtuesve”. Goli i dytë erdhi vetëm 4 minuta më pas, dhe ishte më i bukuri i ndeshjes – Rion Rushiti nga afro tridhjetë metra mposhti portierin Ajeti me goditje shumë të fortë. Ndërsa, golin e fundit, Ramiz Sadiku e shënoi tek në minutën 70’, sërish me anë të Rushitit.
Kjo humbje shënon përfundimin e ciklit të parë të garave në grupin “B” të Raiffeisen Ligës së Parë të futbollit në Kosovë, me ciklin e dytë që vazhdon nga java tjetër, e ku 2 Korriku sërish luan si vendës, ndaj lideres, Prishtina e Re.
2 Korriku deri tani ka arkëtuar tetë pikë, dhe ndodhet në pozitën e shtatë në renditjen tabelare.
Raiffeisen Liga e Parë, Grupi ‘B’; Java e Nëntë
FC 2 Korriku v. KF Ramiz Sadiku 0-3
Golashënues: Muhamed Dubova 33’, Rion Rushiti 41’ 70’
Gjyqtarët e ndeshjes: Granit Pacolli (Prishtinë), Bedri Beshiri (Fushë Kosovë), Lirak Ibërdemaj (Pejë), Petrit Rama (Drenas
Delegat i ndeshjes: Rifat Gjonbalaj (Peja)
Vëzhguesi i i gjyqtarëve: Safet Berisha (Mitrovicë)
Formacioni startues i 2 Korrikut: Arnis Ajeti, Andi Namoni, Nderim Abdullahu, Albin Stublla, Jehon Stublla, Andi Oruqi (C), Albinot Kozmaqi, Ideal Abdullahu, Redon Bejta, Ardit Gashi, Arlind Maqedonci. Kryetrajner: Besim Ademi.
U inkuadruan edhe: Granit Latifi 46’, Pedro Henrique 72’, Dion Demolli 72’, Lis Zhubi 80’, Olt Shala 80’
Formacioni startues i Ramiz Sadikut: Dimal Isufi, Rion Berisha, Yll Tupalla, Taulant Haliti (C), Taulant Ajeti, Rion Rushiti, Dren Zeqiri, Muhamed Dubova, Ardi Shala, Drin Bajraktari, Adonis Pervetica. Kryetrajner: Alban Dragusha.
U inkuadruan: Andi Bikliqi 77’, Taulant Kiçmari 77’, Art Ramadani 86’, Eurent Krasniqi 86’, Albin Dërmaku 88’